SHILLONG: Meghalaya a·dokni Governor Satya Pal Malik aro a·dokni Chief Minister Conrad K Sangma sakgnian, COVID-19-na porikka ra·anio positive ong·aha ine kobor on·aha.
Health official-rangni u·iatani gitade, a·dokni Governor Satya Pal Malik, re·anggipa Bristibar salo positive ong·aha aro a·dokni Chief Minister Conrad Sangma, Sukrobar salo positive ong·skaaha.
Porikka ra·e nianio positive ong·ani ja·man a·dokni Chief Minister, social media-o jinmana parakatengon, “Anga COVID-19-na porikka ra·anio positive ong·aha aro da·o dipet anga nangani kri an·tangko dingtang donna gita nangenga. Ango adita chinrang gnang, uni gimin batanggimin adita salrangni gisepo angko grongegipa ba ang baksa kam ka·rimgipa manderango chinrang donggenchimode aro porikka ra·na nanggenchimode porikka ra·e nichina anga mol·molatenga,” ine parakataha.
Ian gnigipa changna ua COVID-19 positive ong·enga ine nikna man·a.
Bristibar salosan, Meghalaya a·dokni Chief Minister, Assam-ni Chief Minister Himanta Biswa Sarma baksa, New Delhi-ona re·ange, a·dok damgnini simarangni bidingo Union Home Minister Himanta Biswa Sarma-ko grongeahachim ine nikna man·a.
Sukrobar salo a·dokni Chief Minister Conrad Sangma, COVID-19-na porikka ra·anio positive ong·ahani gimin Meghalaya a·dokni bilsi 50 gapaniko Shillong songjinmani Jawaharlal Nehru Sports Complex-o manianioba bakko ra·ejahachim.
Indake ong·engon, da·o a·dokni Governor Satya Pal Malik aro Chief Minister Conrad Sangma sakgnian noktangtango dingtang nape dongtokenga ine health official-rang u·iataha.