NGH-o dam 6 Fish Retail Outlet-rangko kulie on·a

RESUBELPARA: Meghalaya a·dokni bilsi 50 gapaniko maniani bak gita North Garo Hills a·jao damdok Fish Retail Outlet ba na·tok palani biaprangko, re·anggipa Bristibar salo, Fisheries department-ni Principal Secretary Dr Shakil P Ahammed-ni jakchi kulie on·angaha.
Ia Fish Retail Outlet-rangko kulie on·angani somoio Fisheries department-ni Director A Mawlong, Fisheries-ni Superintendent ER Laloo, North Garo Hills a·jani EAC LG Momin, Headquarter-ni FO M Khongjliew aro North Garo Hills-ni FO BR Marak-ba dongpae bak ra·angaha.
Ia Fish Retail Outlet-rangko kulie on·angani somoio Fisheries department-ni Principal Secretary Dr Ahammed, jinmana aganprakengon, ia Fish Retail Outlet-ni nokgiparangna an·tangni kusi ong·chakaniko parakangenba, India a·songo Blue Revolution-ko tang·doatanio, India sorkarini Pradhan Mantri Matsya Sampada Yojana (PMMSY)-an MoFV&D-ni ning·o mongsonggipa scheme ba program ong·a ine talatangaha.
“Na·tok jilenggipa manderangni jile man·gipa joltangni na·tokrangko manderangna sokate on·na miksonganiosa ia outlet ba dokkanrangko kulie on·aha aro ian na·tok jilenggipa manderangna uamangni dingtang dingtang kamrango dakchakani ong·gen,” ine Dr Ahammed aganaha.
Ia damdok Fish Retail Outlet-rangoni dam bongakode 2018-19 bilsini Blue Revolution-ni ning·o kulina gita dakchake on·aha aro damsakode PMMSY (2020-21)-ni ning·o dakchake on·skaaha. Iana nanggipa tangka paisarangoni 60 percent-kode sorkari on·aha aro 40 percent-kode nokgiparang an·tangtang chamskana nangahachim.

Get real time updates directly on your device, subscribe now.

Comments are closed.