SHILLONG: Re·anggipa January 26 tarik attamo, drugs ba pekatgipa samrangko badingenggipa mandeko man·chape drugs jakkalgipa mande sakbriko, Nongpoh-ni dolsa chadamberang rim·na man·aha.
Koborko on·ani gitade, ia mande sakbriko Budbar walni 10:00 bajimango, Nongpoh-ni Downgate block-oniko rim·na man·aha.
Drugs badinggipa mandeara bilsi 30 ong·gipa Baiakmenlang Tiewsoh ong·achim ineba kobor on·timgiparang parakataha.
Ia manderangko rim·ani ja·man Nongpoh Police Station-na pakwate on·ataha aro uamangoniko police-rang, golden sadani tin-o chipe dongipa Cocaine samrang baksana biji aro gipin bosturangko man·aha ineba kobor on·aha.
Ia mande sakbrioni sakgittamni kosakode Narcotic Drugs & Psychotropic Substance (NDPS)-ni ning·o mokordomako segataha.
