Resubelpara: North-eastern Garo Hills Nokma Council, Garo Hills-ona village council-ko ra·bana chanchianiko jegale Sonibar salo North Garo Hills Mendipathar-o tanggitik meeting-ko tom·aha. January 28 tariko Meghalaya Cabinet tom·anio Garo Hills-ona village council-ko ra·bana chanchiangaha. Nokma Council head quater-ni President aro Secretary-rangsan, gipin Nokma Council unit aro gipin dilgiparang baksa mamingko agangrikgija Chief Minister baksa agangrike Sixth Schedule amendment Bill-na srik namnikpaaniko on·aha, iako gimik Nokmarangan ra·chakjawa ine Nokma group matnangaha.
Bilsi 2022 January 15 tariko gimik Garo Hills Nokma Council tom·anio, President aro secretary-mang gimik Nokma baksa melie chanchirimna tik ka·ahachim indiba agana gita dakgija uamang an·tangtangsan CM baksa agangrikaha, iako gimik Nokmarang ra·chakjawa.
Chinga village council-ko dabija indiba dingtang electoral roll-kosa nangnika. Chingni dabianiko u·ienba dingtang dake kam ka·skaha, iako Garo Hills-o ra·chakjawa. Nokma council-ni President aro Secretary-mang uamangni A·kingko village council-na on·naba donga indiba Garo Hills-ni gimik Nokmarangan an·tangtangni a·kingona Village Council-ko ra·bana on·jawa.
“Uni gimin ia mamlako ma·mong sorkarini watatna skang name dake sandianiko dakchina a·dok sorkariko mol·mola. Garo Hills-ona village council-ko ra·baaniko chinga maming saloba ra·chakjawa. Indiba Chief Minister Conrad Sangma-de uni Facebook page-o ‘tik ka·na skang gimik Nokmarangni namnikaniko ra·chenga ine aganaha, ian kakket ong·ja, ine North-eastern Garo Hills Nokma Council-ni Presiodent Lakesh Sangma aganaha.
North-eastern Garo Hills Nokma Council, village council-ko jegala
Date:
Share post:
