SHILLONG: Nosto ong·-gipa Sonapur dolongko ta·raken tarichina a·dok sorkari, National Highways Authority of India-ko ge·etaha. Adita salrang skangsan NHAI-ni project director-ko gronge agang-rikaha aro ua somoio nosto ong·gipa dolongko tarina aganahachim ine Deputy Chief Minister, Prestone Tynsong koborna u·iataha.
Uandake dolongko tarimiting somoio district administration, gari re·ru-raniko champengatna nanggen ineba aganda-paha. Nationial Highways Authority of India (NHAI), East Jaintai Hills-o donggipa Sonapur dolong-ko nirokeaha, unon dolong bretako nikna man·aha.
Niatgenchimode Sonapur dolong, Megha-laya aro gipin North Eastern a·jolrangni gisepo mongsonggipa nangdimatgipa ong·a.
Uandake Shillong bypass-o pangkamgipa dolongko rikanio NHAI, tender-ko on·ataha, ia bilsini March-April jani gisepo kamko a·bachengnaba donga.
Indake ong·engon a·doko NHAI-ni nirokgipa tol gate-o tik ong·gijanirang donga ong·ode, ian a·dok sorkarini nirokatnagipa kam ong·ja aro sorkari, toll plaza-ko nirokgipa ong·a, ineba Deputy Chief Minister aganataha.
