GHADC-ni gital CEM-ko da·al seokgen

TURA: Garo Hills Autonomous District Council (GHADC)-ni gitcham chief executive membor (CEM) Benedic R Marak-ni kosako no-confidence motion-ko ong·ate CEM-ni biaponiko ra·galatani ja·man gital CEM-ko seokna gita da·al Sombar salni bako dingtangmancha election-ko GHADC-o ong·atenga.
CEM-ni kamna GHADC-ni chairman Rakesh A Sangma-ba susaenga aro ua CEM-ni kamna susana gita Sonibar salon, chairman-ni biapko wate on·angaha.
Benedic Marak-ni kosako NPP-ni membor-rang, Sonibar salo, no-confidence motion-ko ong·ate CEM-ni biaponiko ra·galataha aro uandaken Rakesh Sangma-ko CEM-na seokskana gita chakpaanirangko on·enga.
CEM-ni kamna da·al salni bako ong·atenggipa election-o susana gita gitcham CEM Benedic Marak-ba nomination file ka·taiaha aro una Trinamool Congress-ni MDC-rang aro BJP-ni MDC sakgni chakpaaniko on·skaenga.
Ma·mong sorkarini chamatgipa tangka paisarangko jakkalsretaha ine matnangenba, NPP-ni membor-rang, gitcham CEM Benedic Marak-ni kosako no-confidence motion-ko ong·atangahachim aro pu·onanio Marak, 13 vote-rangkosan man·rikaiahani gimin amako man·aiahachim. Uni kosako sak 15 MDC-rang pu·onskaahachim.
Da·o dipet opposition-o sak 13 MDC-rang dongengon, NPP-o sak 16 membor-rang donge election-ko chena ka·dongtokskaengachim.

Get real time updates directly on your device, subscribe now.

Comments are closed.