SHILLONG: Meghalaya sorkari, class VI-VIII-ona normal class-ko a·ba-chengna tik ka·aha.
“Class VI aro una batgipa class-ko a·ba-chengna order ba ge·eta-niko on·ataha ine Education Minister Lahkmen Rymbui, Butbar salo koborna parakataha.
Uandake Shillong aro Shillong Urban Agglomeration -o Class I-V-onade online class-kon ra·ang-kugen.
Department-ni on·gipa notification-o district administration-ko covid sabisini protocol ba niamrangko ja·rikchina ge·etaha.
School re·na gita bi·sarang ma·a-paani bil namnike ra·chaka ba bil on·aniko nanggen. Teaching hours ba class-ni ra·ani somoi konta 3-4-ona komiataha aro salsa watchange class-ko ra·na aganataha. Unbaksana school-o cultural tom·ani aro sports ba uandakgipa tom·anirangko dakna man·jawa, ine Rymbui aganaha.
Iarangni gisepon online aro offline class ia ming-gnian apsan apsan dake re·gen. Deputy commissioner-na district-ni health official-rang baksa agangrike joltango obostako nigrike school-ko kuliatna bilko on·aha.
School kuliatao chelchak-naljokaniko nirokangna Deputy commissioner-ni dilgipa Task Force Committee-ko songnaba gnang. Indake Task Force-o District-ni medical health officer-rang baksa school principla, community dilgiparangko aro District school education officer-ko membor-secretary songnaba donga.
Task Force Committee-na covid-19-ni obostako niroke school-ko kuliatna bilko on·aha.
Elementary-oni higher secondary school teacher-rang, school-ni on·gipa duty chart-ni gita school re·bana nanggen ba kamrangko ka·na nanggen.
