SHILLONG: National People’s Party (NPP)-ni Mawphlang-oni MDC Lamphrang Blah-ko Council-ni gital chairman seokna namniktokenga.
Indake ong·engon Sombar salni Special Session-o ong·atnasienggipa election-o Opposition Congress, chairman post-na susajana tik ka·aha.
Blah-na ruling baksa bakrimgipa chakpaenga, United Democratic Alliance (UDA), chairman post-na susagen indake Sukroba salo Legislative Wing-ni Secretary B. Sohtun-na nomination-ko on·aha.
Blah-ni nomination-ko KHADC CEM, Titostarwell prospose ka·aha, gnigipa nomination-ko NPP MDC Mitchell Wankhar propose ka·skaha.
Uandake Blah baksa UDA MDC-rang Bindo Mathew Lanong, gitcham chairman aro Sohryngkham-oni NPP MDC Pyniaid Sing Syiem, Executive Member, Teibor Pathaw aro Rambrai-Jyrngam-oni Congress MDC Bajop Pyngrope arp gipinrang re·angpaha.
Nomination file ka·a ja·man kobor ra·timgi-parang baksa agangrik-mitingo Blah, chairman post-na susana gita party dilgipa una cholko on·anina kusi ong·ako parakataha.
Minggipin Sombar salo Special Session-o council election-ko ong·atna Governor-ni ra·chakaniko on·atanio opposition Congress, namnikjae jegala-tahachim.
Governor, Bristibar salo special session-ko ong·atna notification-ko on·aha.
