SHILLONG: Be·en pil·kugijagipa a·dokni dabigiparangni bidingo ua, Parliament-o aro a·paloba jeoba aro je somoioba nangani kri Ma·mongna u·iatgen ine NPP State president aro Rajya Sabha MP Dr WR Kharlukhi Sonibaro aganaha.
“A·dokko jakgitel man·ani da·o bilsi 50 ong·aha indiba A·dokni ku·sikrangko da·ona Indiani ku·sik mingsa ine ra·kujaenga, unigimin ian dal·begipa ja·manchakani ong·enga, iani bidingo anga ma·mong baksa kam ka·gen,” Dr Kharlukhi aganaha.
Rajya Sabha MP agana je, jensomoio cholrangko man·a, unon ua iarangni bidingo dingtang dingtang baksa New Delhi-o agangrikenga.
ILP-ko ra·gatchina dabienggipani bidingo aganengon, a·doko iako ra·gatna man·na gita a·dok sorkari, ma·mongko sikduduenga, saksa MP ong·e iani bidingo House-o agangen aro iani bidingo mikkangchiba kam ka·angkugen.
Rajya Sabha MP indakeba aganaha je dingtang dingtang nanggipa kamrangni bidingo ma·mong baksa ja·chape agangrikna nanga aro anga ka·donga je ILP-na dabiani changsaode chu·sokgen.
Khasi aro Garo ku·sikrangko Indian constitution-ni eighth schedule-o napatchina aro A·doko ILP-ko ra·gatchina gita dabianirangan da·omitingo mongsonggipa ong·enga, jekon a·dokni manderang gimikan nangnikenga.
Iako chu·sokatchina gita ma·mongni kosako sin·jetanik on·na gita State Assembly-o ku·cholsan ong·e resolution-koba pass ka·manahachim.\
Indake ong·engon, changni chang ma·mong baksa agangrikaniko dakgenchimoba, Ma·mong da·alona kingkingba maming aganchakaniko on·kujaenga.
A·dokni nanganirangna Ma·mong baksa agangrikaniko dontongjawa: Kharlukhi
Date:
Share post:
