SHILLONG: CLP dilgipa Ampareen Lyngdoh NPP-o nampgenma napjawama da·o dipet ma·sikuja indiba jeba MDC ba MLA-rangba ong·chong, party-ona re·bagipako rimchaksoaigen ine NPP State president aro Rajya Sabha MP, Dr WR Kharlukhi Sonibaro aganaha.
“Anga, Kong Ampareen-ni gimin ma·sija indiba mediao seanirangko nika je Congress MDC Fantin J Lakadong-de party-ona re·bana chanchiengaha, unigimin ian party-na namgni ong·gen,” Kharlukhi aganaha.
A·dokni NPP dilgipa indakeba aganaha je saoba MDC ba MLA, party-ona re·baode uan je party-naba namgni ong·aia.
Badita sak MDC ba MLA-rang party-ona re·baenga ine sing·on, ‘‘da·odipetode chinga ma·sina man·kuja, indiba angni agana gitan jeba re·babo, Opposition dilgipa Dr Mukul ba MPCC chief Vincent Pala-ba ong·ja maina jekoba rimchaksoaigen,” Kharlukhi aganaha.
Unaskango, Laitumkhrah-Malki-ni Congress MDC, Fantin Joseph Lakadong-de, party-tangko wate una chakgiparang baksa NPP-ona re·bana gita chanchiman·aha.
Indakeba janganirangkode knaenga je uni jikgipa Congress dilgipa Ampareen Lyngdoh-oba, segipakon ja·riknaba donga.
Obostarangni bidingo aganengon, Lyngdoh unaskang indake aganengachim je ua saksa Indian National Congress-ni membor ong·a, indiba ua Congress-ni mande ong·genchimoba political-ni obostarangko nigrikenba ua ja·manchi jekoba chanchigen ine Lyngdoh aganaha.
Party-ona re·bagipako darangkon rimchaksoaigen ine NPP dilgipa agana
Date:
Share post:
