Rijiju,  sima arini mamlako meli-nangrime tik ka·china didianga

Shillong: (UNI) Union Law Minister Kiren Rijiju, Sonibar salo Northeast a·jolrangko sima arini mamlako tom·tome tik ka·grike namatchina didiangaha. Union Home Minister Amit Shah, an·tangan ia mamlako niatenga aro sima ario meligrikgijaniko namatna a·dok ge·antinan chakkatenga. Indake gimik a·dok sorkarirangna sima arini mamlako namatgrikna cholko on·ataha. Sima arini mamlako Chief Minister-rang agangrikenga aro Home Minister-ba gimik Chief Minister-rang baksa agangrikatenga. Indakgipa Union Home Minister-ni gisik nange nirokatako Congress-ni sorkariode nika dongjachim, ine Rijiju, kobor ra·timgiparangna aganataha.
Sima arini mamlao name dake ka·sine simsake kam ka·na nanggen. Mitam sima arirango jolni official ba jinma manderangni ja·ku de·ani a·sel golmal ong·anirang nakata. Indiba golmal ong·ako tom·tomatna aro a·jolo tom·tomaniko rakkiangna a·dok sorkari aro district administration-ni daito ong·a.
Niatgenchimode an·ching bobilrang ong·ja, abisisa sakchetrang ong·a. Uni gimin man·a dipet tom·tome meligrike janggi tangna nanga, golmal ong·genchimoba tom·tome agangrikachi meliatna nanga, ineba Rijiju aganaha.
Uandake bobil dolni gimin janapatengon Rajiju indine aganaha, “ma·mong sorkari, dilsretanga man·gipa chadamberangko rimbapilna raken kam ka·aha jeon sorkari chu·sokaniko man·aha. Indiba mitamrang beben dongkuenga, uamangbako rimbapilna jotton ka·enga. Tom·tomani donggijade development-ko ra·bana man·teljawa. Tom·tomani aro development ia minggni apsan ong·e re·na nanggen. Ma·mong sorkari, gimik a·dokrangon tom·tomaniko rakkiana kam ka·anio a·dok sorkarina chu·gimik dakchakaniko on·enga, ineba ma·mongni Law Minister agankuaha.