NPP-ni member Aldo Sangma-ko GHADC-ni member songa

TURA: Garo Hills Autonomous District Council (GHADC)-ni sak 30-gipa MDC-ko nominate ka·anio ba songanio adita somoirangko nangahaoba, da·o bon·kamao National People’s Party (NPP) dolna kam ka·enggipa Aldo A Sangma-ko sorkari songe on·angaha.
GHADC MDC-rangni recommend ka·e on·anio pangchake Aldo A Sangma-ko Meghalaya sorkari, GHADC-ni 30-gipa member ong·e songaha aro iako Sombar salo, District Council Affairs-ni Commissioner & Secretary M Synrem, soi ka·e jinmana parakataha.
Da·o dipet GHADC-o sak 29 MDC-rangkode constituency-tangtango seoke saksakode nominate ka·e on·rongengachim ine nikna man·a.
GHADC election-ko re·anggipa 2020 bilsio ong·ataoni da·ona kingkingan sal 30-gipa MDC-ko nominate ka·kujae sak 29 MDC-rangsan asongkuengachim ine nikna man·a.

Get real time updates directly on your device, subscribe now.

Comments are closed.