TURA: Garo Hills Autonomous District Council (GHADC)-ni gital chief executive membor (CEM) Rakesh A Sangma-ko ra·galpilchina dabie dingtang dingtang dolrang, jingjengatanirangko dakengon, NGO-rangni jingjengatanio GHADC-o kam ka·enggiparangde jak dongja ine Sukrobar salo, GHADC-ni Non-Gazetted Employees Association (NGEA) talataniko on·angaha.
Re·anggipa February-ni 1 aro 2 tarikrangosan NGO-rangni ong·atenggipa Civil Disobedience Movement (CDM)-ni bak gita GHADC-o kam ka·giparangni ‘pen down strike’ ba kam dontongate jingjengataniko salgnina ong·atangahachim ine nikna man·a.
Indake ong·engon, Sukrobar salo NGEA-ni secretary, GHADC-ni dilgiparangna sedoatenba, GHADC-o kam ka·giparang ong·e CEM-ni kosako jegalaniara kraani ong·jawa aro NGO-rangni jingjengatanio maming bak dongja ine talataniko on·angskaaha.
“Chinga GHADC-o kam ka·giparang ong·e an·tangtangni dilgipani kosako chakatpilaniara kraani ong·jawa, uni gimin NGO-rangni jingjengatanio chinga bak ong·pana man·jawa,” ine NGEA-ni secretary parakataha.
GHADC-ni gital chief executive member (CEM) Rakesh Sangma-ko ra·galpilchina dabie, re·baenggipa February 14 tariko Garo Hills gimikni NGO-rang, GHADC office mikkango jinma tom·bimonganiko ong·atna manchisoengachim ine nikna man·a.
Comments are closed.