Sorkarini ja·man chakani giminsa reservation policy-ko nipilna dabipilengjok ine Mukul agana

SHILLONG: A·doko chadamberangna chu·onga gita kamrangko nakatate on·na gita Sorkarini bilsokjani a·selsa, a·doko reservation policy-ko nipiltaichina gita dabianirangona sokangpilaha ine Opposition Dilgipa Dr Mukul Sangma aganaha.
Sonibaro koborni manderangna aganengon, reservation-ara manderangna pangchakaniko on·a ineba Mukul Sangma aganaha.
A·dok sorkarini chadamberangna cholrangko dake on·na ba kamrangko nakatate on·na gita ja·manchakani giminsa State Reservation Policy-ko nipilchina dabiaona sokangpilaha, Pa Sangma aganaha.
Unaskang, Chief Minister Conrad K Sangma indake aganengachim je, Salgro salaramni chadamberang, mongsongbate tribal-rang, a·gilsakni gipin biaprango gita chadamberang, reservation-na uamangni gisiko chanchianirangoni ong·katna nanga.
A·dokni mongsonggipa jat gittam Garo Khasi aro Jaintia jat-rangni gisepo apsangrik suale on·china gita State Reservation Policy-ko nipilchina, a·dok sorkariko sin·jetna gita saksa agriculture poraigipa chatri Barry Pyngrope mingsa signature campaign-koba dakangpilahachim ine nikatna man·a.

Get real time updates directly on your device, subscribe now.

Comments are closed.