SHILLONG: MDA sorkario bakrimanina ra·galako man·gipa Congress Legislature Party (CLP)-ni sakbonga MLA-rang, an·tangtangni constituency-rango nangchongmotenggipa kamrangni gimin agangrikna gita a·dokni Deputy Chief Minister Prestone Tynsong-ko grongeaha.
Ra·galako man·gipa CLP-ni dilgipa aro East Shillong-ni MLA Ampareen Lyngdoh-ni parakatani gitade, ra·galako man·gipa sakbonga MLA-rangba da·o NPP-chi dilenggipa MDA sorkarini bak ong·engahani gimin, an·tangtangni constituency-o nangchongmotgipa kamrangko chu·sokate on·ani bidingo uamang Deputy Chief Minister baksa agangrikeaha.
NPP-chi dilenggipa MDA sorkario bakrimanina ra·galako man·gipa sakbonga MLA-ranga, Ampareen Lyngdoh, Kimfa Marbaniang, Mayralborn Syiem, PT Sawkmie aro Mohendro Rapsang ong·achim.