SHILLONG: Garo National Liberation Army (GNLA)-ni gitcham chairman aro A·chik Holistic Awakening Movement (AHAM)-ni gitcham chairman Champion Sangma baksana gipin sakgni manderangko Mongolbar salo, Assam-ni police-rang, tol·e tarigipa tangkarang baksa Guwahati songjinmaoniko rim·aha.
Ia tol·e tarigipa tangkarangni gamchataniara gong lak 15-mang ong·achim aro uamangko Guwahati songjinmao donggipa Basistha-ni police-rang, Khanapara-oniko rim·aha.
Champion Sangma baksana rim·ako man·gipa gipin sakgni manderangara Gohan Sangma aro Cherian Momin ong·achim.
Police-rang, ia manderangoniko am·sandion gong 10,000 asol tangkarang baksana lekka gipokchi wendape tol·e tarigimin tangkarangkoba man·aha.
Ia manderangko police-rang sing·sandiani ja·man, salgro salaram a·dokrango, tol·e tarigipa tangkarangko badingengachim ineba ma·sina man·aha.
Rim·a man·gipa mande sakgittamoniko police-rang, Bolero gari bolsakoba rim·aha.
GNLA bobil dolni gitcham chairman Champion Sangma, adita salrangna skangsan AHAM-ni chairman ong·aniko wate politics-ni kamrangko ka·skana gita Congress dolo napahachim ine nikna man·a.
Get real time updates directly on your device, subscribe now.
Comments are closed.