TURA: Sukrobar salo, a·dokni Chief Minister Conrad K Sangma, South Garo Hills a·jani Gasuapara block-ni ning·o donggipa Dimapara kal·chakramo dingtang dingtang game ge·e cha·gipa manderangni bikotgipa producers group (PG)-rangko grongeaha aro ia tom·anio ua sak 1642 membor donggipa dol 147 producers group-rangna gimik gong 82,10,000-ni cheque-rangko suale on·angjolaha.
Ia cheque-rangko ua Farmers Collectivisation for Upscaling Production & Marketing System (FOCUS) program-ni ning·o sualataha aro ia tom·anio ua jinmana aganprakangengon, ia FOCUS program-ko sorkari, game ge·e cha·enggipa manderangni kamrangko tang·doatna gita ra·gataha ine parakangaha.
An·tangtangni game ge·e man·enggipa bosturangchi bang·e tangka paisarangko man·dapna gita apsan nangrime kamko ka·china gita a·dokni Chief Minister, game ge·e cha·enggiparangko didiangaha.
Kangal cholgrirangna dakchakanirangko on·na MDA sorkarini ra·gatgipa scheme-rangko an·tangtangni namgnina ra·china gitaba ua tom·anio bak ra·giparangko didiangaha.
Dol 250 self help group (SHG)-rangko bikote ia SHG-rangko dal·rorona dakchakahani gimin dingtangmancha ia tom·anio Bakdil dolni banking correspondent Rupali K Marak-naba tangka paisarangko on·e mande ra·pilskaaniko dakangaha.
Dimapara-ni dol 147 PG-rangna gong lak 82-ni cheque-rangko CM suala
Date:
Share post:
