SHILLONG: Meghalaya a·doko mijal salni bako sak 24 manderang Covid sabisiko man·dapaha aro sak 44 manderang sabisioni nampilskaaha, unomitingo sakgni manderang Covid sabisini a·sel uamangni janggirangko gimaataha.
Sonibar salo sak 24 Covid man·dapgiparangoni East Garo Hills-o sak 1, East Jaintia Hills-o sak 1, East Khasi Hills-o sak 7, Eastern West Khasi Hills-o sak 1, North Garo Hills-o sak 1, Ri-Bhoi-o sak 3, South West Garo Hills-o sak 1, South West Khasi Hills-o sak 3, West Garo Hills-o sak 3 aro West Jaintia Hills-o saksa.
Covid man·giparangoni mijal salni bako sak 44 manderang an·sengpilaha uamangoni East Garo Hills-o sak 1, East Jaintia Hills-o sak 1, East Khasi Hills-o sak 20, Eastern West Khasi Hills-o sak 2, North Garo Hills-o sak 3, Ri-Bhoi-o sak 3, South Garo Hills-o sak 1, South West Garo Hills-o sak 2, West Garo Hills-o sak 4, West Jaintia Hills-o sak 6 aro West Khasi Hills-o saksa.
Unomitingo East Khasi Hills aro Eastern West Khasi Hills-o sakprak, gimik sakgni manderang mijalo Covid sabisini a·sel siangaha.
Meghalaya a·doko Covid sabisiko man·giparang mijalona gimikchide sak 93,437 gapangaha, uamangoni sak 91,671 manderang sabisioni nampilaha aro sak 1,577 manderang sabisini a·sel siangaha, Meghalayao Covid man·giparang da·oba sak 189 dongkuenga.
Meghalaya a·doko sak 189 Covid man·e donggiparangoni East Garo Hills-o sak 4,
East Jaintia Hills-o sak 11, East Khasi Hills-o sak 61, Eastern West Khasi Hills-o sak 7, North Garo Hills-o sak 15, Ri-Bhoi-o sak 24, South West Garo Hills-o sak 11, South West Khasi Hills-o sak 7, West Garo Hills-o sak 23, West Jaintia Hills-o sak 19 aro West Khasi Hills-o sak 7 dongkuenga.
