SHILLONG: Meghalaya Pradesh Youth Congress (MPYC)-ni gital dilgiparangko a·dokni dingtang dingtang biaprango donggipa chadamberang, internet gita seokangaha aro ia dilgiparangko All India National Congress-ba ra·chakangaha ine Meghalaya Pradesh Congress Committee (MPCC)-ni general secretary Media I/c Sanjay Das parakataha.
Das-ni parakatani gitade, MPYC-ko dilna gita seokako man·gipa manderangara, president-na Adrian L Chyne, vice president-na L Banphira Lang Basaiawmoit, Lashimtimon Kharsohtun aro Henry Kharmuti, general secretary-na Dawan Richmond Rynjah, Lakyntiew Sohklet, Albert Dkhar, Anish Syiem, Cuthbert WK Sohtun, Kitdor Wahlang aro Cecilia Barishisha Lyngdoh ong·a.
East Shillong Constituency-ni president-na Manuel Badwar-ko Congress dol songe donangaha ineba MPCC-ni general secretary parakataha.
Meghalaya a·doko Congress dolni chadambe dolko nambate dilna man·na gita ia chango skia man·gipa chadamberangkosa MPYC-ni dilgipana seokaha ineba Das parakataha.