TURA: Garo Hills Autonomous District Council (GHADC)-ni gitcham chief executive membor (CEM) Rakesh A Sangma-ko High Powered Committee (HPC)-ni chairman songskaaha.
GHADC-ni gitcham CEM Rakesh Sangma-ko re·anggipa March-ni 7 tariko GHADC-ni CEM Albinush R Marak, HPC-ni gital chairman songaha ine u·iataha.
Ia High Powered Committee-o Rakesh Sangma-ko chairman songe gipin membor-rang aro officer-rangkoba somoini kro Executive Committee, songe on·anggen ineba u·iataha.
Ia HPC-ni kamara district council-ko gipin department-rang baksa agangrikna aro a·dokoniko council-na kajinarangko man·bae on·anian ong·gen.
Garo Hills gimikon jegalgrimako man·ani ja·man adita salrangna skangsan, HPC-ni gital chairman Rakesh Sangma, CEM-ni kamko wate on·pilahachim.
Indake ong·engon, GHADC-ona nominate ka·ako man·gipa NPP-ni MDC Aldo A Sangma-koba GHADC-ni CEM Albinush Marak, Garo Hills Growers Association-ni chairman songaha ine kobor on·aha.
Comments are closed.