Ampati-o MCS-na Introductory Program-ko ong·ata

TURA: Sukrobar salo, graduate ong·gimin chadamberangna aro civil service-ni kamko ka·na sikenggipa chadamberangna Meghalaya Civil Service (MCS)-ni Introductory Program-ko South West Garo Hills a·jani Ampati Multi Facility Centre-o ong·atangaha.
Ia program-ko ong·atanio South West Garo Hills a·jaonisan ong·aigija gipin biaprangoni bang·bea chadamberang bakko ra·angtokaha aro uamangna Ampati-o kam ka·enggipa gital MCS officer-rang, civil service-ni porikkarangko sena gita an·tangtangko tarisamsoani bidingo agan-skie on·angaha.
Civil service-ni porikkana nangchongmotgipa kamrang, jekai somoiko sualani, seani bewalko namdapatani, an·tangtangko neng·atgija rakkiani, porikka seani bewal aro uandakgipa dingtang dingtang kamrangni gimin ia program-o dingtang dingtang officer-rang, chatro chatrirangna agan-talate on·angaha.
Ia program-ko ong·atanio senior MCS Officer aro Ampati-ni Additional Deputy Commissioner AVD Shira-ba dongpae, chatro chatrirangna agan-ku·pattianirangko on·angengon, civil service porikkarangko see mikkangchi an·tangtangba officer-rang ong·china aro a·jatangna dangdike on·giparang ong·china didiangaha.
Ia program-ko ong·atanio gital MCS officer-rang, chong·motan A Ch Momin aro V Sangma-ba, an·tangtangni civil service porikkana tarisamsoani bidingo chatro chatrirangna agan-talate on·angaha aro ia program-o Tura-o kamko ka·enggipa Oidoba songni R Hajong-ba dongpae, chatro chatrirangna agan-ku·pattianirangko on·angaha.
Porikkana tarisamsoanio an·tangtangko gisikni gita an·senge rakkiano bidingo Clinical Psychologist D Sangma, agan-talate on·angskaaha.
Civil service porikkarangni bidingo ma·sie ra·na sikgipa chatro chatrirangnaba ia program-o officer-rang baksa agangrikna cholko on·angaha.

Get real time updates directly on your device, subscribe now.

Comments are closed.