Friday, March 29, 2024
spot_img

Assam sorkari baksa songgigrikanichi dolgnian namgniko man·gen ine Conrad a·kanga

Date:

Share post:

spot_img
spot_img

 

SHILLONG: Assam aro Meghalaya a·dokni simarango golmal ong·enggipa dam 12 biaprangoni damdokko namatchengna gita dolgni sorkarirangni soi ka·grikgipa Memorandum of Understanding (MoU)-ko jegaltokengon, ian a·dok damgninan namgniko ra·baani gita ong·gen ine Mongolbar salo, Meghalaya a·dokni Chief Minister Conrad K Sangma parakatskaaha.

“Pilakni namgninan chinga ia cholko sandie man·aha aro skanggipa bako damdok jolrangnade chinga songgigrikaniko matchotatna ka·dongengaha. Ian a·dokna gisik ra·beani somoi ong·gnok,” ine Assembly-ni budget session-o Opposition MLA George B Lyngdoh-ni sing·anina Chief Minister aganchakaha.

Ia MoU-ni bon·kamgipa songgigrikanio bangki dongkuenggipa gipin damdok biaprangni bidingo agangrikna gita niamrangkoba donanggen ineba Chief Minister aganaha.

Chief Minister-ni parakatani gitade, manderangni nangnikani aro jolo songdongenggipa manderangni daka rikanio pangchakesa a·dok damgnian ia songggrikaniona sokaha.

“Ia MoU-ni bidingo bon·kame songgigrikna gita March-ni 27 tariko tom·ani donggen ine chingna ku·sikchi u·iataha indiba chinga MHA baksa grongna gita see u·iataniko sengengkua,” ine Sangma aganaha.

Ia kamko ka·sine ka·china aro donkuchina gita mitam membor-rangde a·dok sorkariko ku·pattienga ineba ua aganaha.

“Anga dilgiparangni ku·pattianirangko ra·chaka aro uamangni ku·pattianirangko chingni kamo ra·na nangnikenga. Indiba ia neng·nikaniko an·ching batanggimin bilsi 50-na nie dongenga aro an·ching iano jera ra·grike dongengoba simarango songdongenggipa manderangde salantian aro walantian neng·nikanirangko man·skaenga. Uni gimin ia neng·nikaniko bon·atna gita an·ching cholko sandinade nangenga,” ine Chief Minister parakataha.

Sima ari jolrango songdongenggipa manderangni neng·nikanirangko namataniara a·dok sorkari aro Assembly membor sakantini daitoan ong·ani gimin ia neng·nikaniko namatna gita cholko sandina nangchongmotenga ineba ua aganaha.

Mangsapara songko Assam-o napatengani gimin dingtang dingtang dilgiparangni suk ong·gijaniko parakanina aganchakaniko on·angengon, Mangsapara-o songdongenggipa bang·bata A·chikrangan Assam-o ong·na nangniktokenga ine aganani giminsa ia ja·kuko de·na nangao ga·akaha ine Chief Minister talataniko on·angaha.

Tarabari jolo donggipa damchet A·chik songrangde pilakan Meghalaya a·doko ong·na nangnikaniko paraktokskaaha ineba ua aganaha.

Gizang jolo donggipa Guwahanimara aro Amagaon songrangni gimin janapatskaengon, ia songgni manderang pilakan Meghalaya-o ong·na nangnikaniko paraktokaha ine Sangma parakataha.

spot_img
spot_img

Related articles

Adah Sharma’s fitness mantra: Workouts should always be fun, best with friends

Shillong, March 29: Actress Adah Sharma, who is a practitioner of weapon-based martial art Silambam, has shared the...

Delhi HC to examine Google’s Advertising terms for legal remedies in India

Shillong, March 29: The Delhi High Court has said that it will examine whether the terms of Google’s...

Salman’s update on ‘Dabangg 4′: ‘Jaise hi dono bhai ek script mein lock hojayengay’

Shillong, March 29: Bollywood superstar Salman Khan has shared an update on the fourth instalment of his popular...

RBI to shut Rs 2000 banknote exchange facility for a day on April 1

Shillong, March 29: The RBI announced on Thursday that the facility for exchange and deposit of Rs 2000...