SHILLONG: Akhil Bharatiya Vidyarthi Parishad (ABVP), Meghalaya State, re·anggipa March 12 tariko uamangni 5-gipa State Conference-ko Aurobindo Auditorium, Shillongo matchotataha. Ia conference-o a·dokni dingtang dingtang biaprangoni sak 300-na baten manderang bakko ra·angaha.
Ia State Conference-o dingtang dingtang Intellectual, Educationist, Entrepreneurs ugita dakgipa a·bani dilgiparang bakko ra·aha.
Indake a·songni silrorognina kam ka·anio kingkot ong·e bak ra·china gita ABVP-ni National General Secretary Nidhi Tripathi, poraigipa chatro chatrirangko aro chadamberangko didiangaha. An·tangtangni uandake a·songni silrorognina education ba lekka bidara baditana mongsonggipa ong·achim, uani gimin Tripathi talate on·angaha.
Unomitingo da·sikkario ABVP, Meghalaya-ni dingtang dingtang chu·sokatbagimin kamrangni bidingo ba report-ko ABVP Meghalaya-ni State Secretary Nibiang Sumer mesoke on·angaha. A·gilsak gimikon Covid-19 sabisichi sin·jetako man·engon, ABVP-ni karyakarta-rang uamangni dongtogipa a·damoni ong·katenba dakchakaniko nangenggipa nokdangrangna mongsonggipa cha·a ringani bosturangko sokate on·aha unagreba, a·songni dingtang dingtang biap a·jarango jachange donggipa chatro chatrirangkoba Meghalaya-ona sokatbaanio dakchakanirangko on·aha.
Minggipin, Indiani Jakgitelani bilsi 75 gapaniko maniengon, ABVP, Meghalaya, Tiranga Yatra rally-ko Meghalayani dingtang dingtang district-rango ong·atenga, jeon joltangtangni manderang namen bakko ra·tokenga, aro iako ong·atani miksonganiara, a·dokni manderangko patriotism ba a·songtangna dakgrikgiparang ong·atna miksongani ong·a.
ABVP Meghalaya-ni 5-gipa State Conference-o Dr Sashankutlang Khongthohrem-ko uamangni State President-na seokaha aro Nibiang Sumer-ko State Secretary-na seoktaiaha aro gitalgipa State Working Committee member-rangkoba seokangaha.
Get real time updates directly on your device, subscribe now.
Comments are closed.