NEW DELHI: Sombaro Rashtrapati Bhavan, New Delhio mingsa tom·aniko ong·atgipao NEHU-ni Department of Khasi Language-ni Prof. Badaplin War, Padma Shri award-ko Indiani President Ram Nath Kovind-ni jakoniko ra·chakaha.
Meghalaya a·dokoni Prof War mangmangsan Award-ko man·aiaha.
Literature aro education-ni a·bao name dakanina Prof War-ni bimingko re·anggipa Republic Day manina skang attamsagipao parakatsoahachim.
Sakgnina Padma Vibhushan, sakchetna Padma Bhushan, aro sak 54-na Padma Shri Award-rangko President Ram Nath Kovin mijalo Rashtrapati Bhavan-o Civil Investiture Ceremony-ko ong·atao ia 2022 bilsini award-rangko pakwatangaha.
