AMPATI: National Health Mission (NHM)-ni ning·o Rashtriya Kishor Swasthya Karyakram (RKSK) program-ni bak gita Mongolbar salo, Adolescent Friendly Health Resource Centre (AFHRC)-ko South West Garo Hills a·jani Additional Deputy Commissioner AVD Shira-ni jakchi, Ampati-ni Chengkompara-o donggipa Multi Facility Centre-o nokdonggae on·angaha aro ia centre-ko nokdonggae on·angani somoio RKSK baksana RBSK-ni State Nodal Officer aro Joint Director Dr Kona Sangma, SWGH a·jani District Medical & Health Officer Dr Malay Hajong, District School & Education Officer Arati Sangma, Ampati DCPU-ni Legal & Probation Officer TD Ch Marak, EAC Armand Momin, EAC Verdi Sangma, dingtang dingtang health officer-rang, skulo poraienggipa chatro chatrirang aro jolo songdongenggipa manderangba bakko ra·angaha.
Ia centre-ko nokdonggae on·angani somoio ADC AVD Shira, jinmana aganprakangengon, ia AFHRC-ko A·chikrangni ‘Nokpante’ baksa tosusaangenba, ian gisikni gita neng·nikanirangko man·enggipa chadamberangna agan-ku·pattichakram gitasan kamko ka·aigija chadamberangna skie ra·chakgipa biap gitaba jakkalna man·gen ine parakangaha.
Chadamberangkosan ong·aigija gisikni gita neng·nikanirangko man·enggipa ma·a paarangkoba ia centre-ona re·bae agan-ku·pattianirangko ra·china gita Shira didiangaha.
Ia program-ko ong·atanio dingtangmancha Bilman Ch Marak aro Jaksram K Marak-ni tarigipa ‘Amarin’ jawilwatkoba oprake on·angenba jinmana mesoke on·angjolaha.
Ja·mano Zikzak aro Betasing PHC-ni peer educator-rangna ADC-ni jakchi boksisrangko suale on·angaha.
Ia centre-ko nokdonggae on·anganio dongpae jinmana aganprakanggipa gipin manderangara, State Nodal Officer aro Joint Director Dr Kona Sangma, SWGH a·jani District Medical & Health Officer Dr Malay Hajong, RKSK-ni District Nodal Officer Dr Mikrak Sangma aro gipinrang ong·a.
Agan-ku·pattianirangko nangenggipa chadamberangna Ampati-o ‘Nokpante’-ko kulia
Date:
Share post:
