SHILLONG: Dam 12 biaprango Assam-Meghalaya sima ariko tik ka·grikna man·gija donchipenggipa biaprangoni skanggipa damdok biaprangko bon·kame tik ka·grikna gita Union Home Minister Amit Shah aro Meghalaya aro Assam-ni sakgni chief minister-rang re·baenggipa March 29 tariko New Delhi-o gronge mongsonggipa chanchianirangko dakanggen.
“Re·baenggipa March 29 tarikni attam 4:30 bajio agangrikaniko dakna gita Home Minister, somoiko tik ka·aha aro ia u·iatani tongtongan MHA Additional Secretary Piyush Goyal-oni sokbaaha, indake pilak tarina nanganirangko ua salna tariengaha,” Chief Minister Conrad Sangma Bristibaro aganaha.
Phase 1 ba skanggipa gadango damdok biaprangko sima ari tik ka·grikna gita je chanchianirangkon tik ka·ahachim, uarangni report-ko Assam chief minister Dr Himanta Biswa Sarma aro Meghalaya chief minister Conrad Sangma mang Ma·mongni Home Minister Amit Shah-na pakwatanggen.
Sima tik ka·grikna man·gija donchipenggipa dam 12 biaprangoni dam dok biaprangko tik ka·grikna gita Meghalaya aro Assam sorkari dolgnian kingsa memorandum of understanding (MoU)-ko skangon on·manahachim. Soi ka·gimin MoU, dongspa damdok biapko sima ari tik ka·grikanio dakchakani ong·gen ineba Chief Minister aganaha.
Golmal gnanggipa dam 12 biaprangoni golmal komikale nikgipa skanggipa damdok biaprango sima ariko tik ka·grikna gita Assam aro Meghalaya dolgnian ku·mong melie ku·rachakgrikaha.
Ia damdok biaprangara Meghalaya-ni West Khasi Hills, Ri Bhoi, East Jaintia Hills district aro Assamni Cachar, Kamrup Metro aro Kamrup district-ni ning·ogipa biaprang jedake Tarabari, Gizang, Hahim, Boklapara, Khanapara-Pilangkata aro Ratacherra iarangan ong·enga.
A·dok damgnini CM-rang March 29 tariko Shah baksa sima arini gimin agangrikgen
Date:
Share post:
