Baghmara: South Garo Hills (SGH) police mija Sukrobar salo Nongalbribra PS-ni ning·o ga·akgipa joloniko Assam-ni sakgni drug badinggiparangko rim·aha.
Jadi-o ia a·sel ong·aha. Sakgni drug badinggiparang Kashem Ali (bilsi 22), Fakirganj Barkaila-oni aro Chapar Kazipara-oni Amirul Islam-ko rim·aha. Sakgnian Assam Dhubir district-oni onga.
“Kobor man·e, SGH-ni ANTF team, operation ka·na sokangaha. Am·sandiao Kashim Ali-ko rim·aha, uko rim·ani ja·man Bolero Pikup (AS14C 8239) no donggipa gariko salgipa Amirul Islam-ko rim·aha, ine SHG-ni superintendent of police Rithuraj Ravi S koborna u·iataha.
Uandake police dol, ra·sekgipa gariko name dake sandion champengatgipa Phensidryl-ni ge 500 bottle-ko man·aha.
Nongalbibra PS-o iani bidingo mamlako segataha aro aro adita sandianiko dakani ja·man sakgni manderangko rim·aha.
