SHILLONG: Bristibar saloni Sukrobar salona konta 24-ni gisepo Meghalaya a·dok gimiko mande sak 3 COVID-19 man·daptaiaha indiba ia konta 24-ni gisepo a·doko COVID man·e sigiparang dongskajaha.
Konta 24-ni gisepo COVID-19 man·dapgipa mande sak 3-ko channe da·o Meghalaya a·dok gimiko COVID-19 man·e dongenggiparang sak 19-ona komiangaha.
Konta 24-ni gisepo COVID man·gipa mande sak 3-oni sak 1-de East Jaintia Hills-o, sak 1-de East Khasi Hills-o aro sak 1-de North Garo Hills a·jao ong·a.
Ia apsan salon gimik sak 7 manderang Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 92,153 gapskaengaha.
Da·o dipet Meghalaya a·doko COVID-19 man·e sianggiparang gimik sak 1593 gapskaengaha.