SHILLONG: Salgro salaramni dingtang dingtang a·dokrango Armed Forces Special Powers Act (AFSPA)-ko Ma·mongni komiatangna chanchianiara ian ka·donganiko mesokani ong·a ine BJP Meghalaya in-charge, M Chuba Ao aganaha.
AFSPA-ko mitampak biaprangoniko ra·galatangna gita Ma·mongni chanchianiara Salgro Salaram a·doko tom·tomaniko aro namroro silroroaniko ra·badapgnok ineba Ao uni chanchiatangko parakaha.
Skang chasongonin darang political party-ba iako ra·galna tikkele kam ka·ani dongja ineba ua agandapaha.
Ma·mongni ia indakgipa ja·ku ga·aniara, Salgro Salaram a·doko tom·tomani aro kim·kimanina gitalgipa chasongko re·chakatani ong·gnok, Ao aganaha.