New Delhi: Lok Sabha-o NPP-ni dilgipa Mrs Agatha Sangma, Tura-o komibeoba damsa Common University Entrance Test 2022 (CUET) UG centre-ko donchina Sonibar salo ma·mongo mol·molangaha. Ia bilsi July jaoni online gita CUET 2022-ko ong·atenga.
“Meghalaya-o angni Parliamentary Constituency Tura-o ge·saba centre-ko dona dongja’ ine Union Minister for Education Mr Dharmendra Pradhan-na seataha aro Garo Hills Tura-o Common University Entrance Test CUET (UG) centre-ko donchina, National Testing Agency-ko ge·etchina mol·molataha.
National Testing Agency (NTA), ian skanggipa changna academic session 2022-23-na Central Universities-o undergraduate course-na admission-na Common University Entrance Test (CUET 2022)-ko ong·atchenggenga. NTA, CUET 2022 (UG)-na registration ka·aniko a·bachengataha aro May 6 tarik 2022-ona apply ka·na man·gen.
Meghalaya aro Arunachal Pradesh-ni Education minister-rang, central universities-o admission ra·na domiciles-ko am·ani gimin sing·doataha. ‘Gimik a·dokni nangnikani, ra·biani aro neng·nikarang dingtanggrika, uni gimin uniform policies apsan niamko gimik a·dokrango ra·gatna man·ja, ine sakgni minister-rang aganaha.
Indake Ministry-ko central university-rango admission ra·na test ra·anio Northeast-ni student-rangni gimin chanchipilna mol·molataha.
Indiba University Grants Commission-de, “test-ara pilak student-rangna apsan dakgipa cholko on·gen ine aganskaha. NCERT syllabus aro uamangni syllabus-o dingtanggrikaniko nikode student-rangna tarisona chu·songa gita somoi donggen ine UGC aganataha.
