Kharlukhi, Mukul-ko ka·dongode simani mamlako namatna ra·bia

SHILLONG: Rajya Sabha MP aro NPP State president, WR Kharlukhi, Opposition dilgipa Mukul Sangma-ko, Assam-Meghalaya border ba sima arini mamlako man·ode  ba ka·dongode namatna ra·biataha.
Sima ario meligrikgijako namatna ja·ku de·anio Assam-Meghalaya dolgni meligrike MoU-ko soi ka·ani bidingo Mukul Sangma-ni sorkariko matnnagani gimin Kharlukuhi, ia kattarangko aganataha. Assam-Meghalaya-ni agreement-ko soi ka·ani ja·man bang·a dolrang namnikjae jegaltokaha.
“Dr Mukul Sangma, ru·uta bilsina bilo donge kam ka·angaha, indiba uni a·doko re·dilanio sima arini mamlako mamingkon dakjaha aro namatnaba jotton ka·jaha, indiba da·o sakgipin kam ka·skaode, uko matnangskaa, ine Kharlukhi aganaha.
“Sima arini mamlako namatna kam ka·na choko on·ode, dongimin somoio  kamko matchotna ka·dongchong·mota ong·ode aganchina, ine Kharlukhi, bilsi 2020-o sima arioni bidingo golmal ong·anio sakbri manderang siako gisik ra·atao ia kattarangko aganaha.
“Ua somoio na·a Chief  Minister ong·mitingo maiko ja·ku de·aha, jemanga siangaha uamangna maiko dakaha, ine Kharlukhi sing·ataha. Jemangan boudary pact ba simao soi ka·gipa agreementko sing·doenga, uamang ka·dongode namatna re·bae nibo ine ra·bianik on·ataha.