SHILLONG: Mnisalo rama a·sel ong·gipao saknaa man·e NEIGRIHMS-o sana bananiko dakenggipa sakgittam table tennis player- Ramesh Santosh Kumar, Abinash Prasannaji Srinivasan aro Kishore Kumar-ko, Assembly Speaker Metbah Lyngdoh aro Sports Minister Banteidor Lyngdoh mang re·ange nieaha.
Ia sakgittam table tennis player-rang Robibaro Guwahationi Shillongona re·bamiting somoio Ri-Bhoi district-ni Shangbangla-o gari a·sel ong·anio saknaa man·tokahachim.
Indake ong·engon, ia a·sel ong·anio, rasong gribee Tamil Nadu-ni saksa bilsi 18 ong·gipa table tennis player Vishwa Deenadayalan-de janggitangko gimaataha.
Unomitingo, BJP Shillong city general secretary, Rocky Hek-ba BJP-ni gipin dilgiparang baksa a·selo ga·akgiparangko nieaha.
BJP dilgiparang, NEIGRIHMS-onaba re·ange nieaha, unigisepon saknagiparangko Mongolbaro Shillongoniko Guwahationa ra·angna gita BJP-ni Shillong city wing, helicopter-ko sandienga.
Metbah Lyngdoh aro Sports Minister saknagipa table tennis player-rangko nirokea
Date:
Share post:
