Friday, March 29, 2024
spot_img

CM-ni boninggipa niam gri ‘siren’ jakkale gari sala ine matnanga

Date:

Share post:

spot_img
spot_img

 

TURA: Tura-o Meghalaya a·dokni Chief Minister Conrad K Sangma-ni boninggipa, niam gri ‘siren’ jakkale gariko sala ine Tura-ni Deran Gittimo donggipa saksa Jaynie N Sangma matnangataha.

Ia mandeni kobor setimgiparangna seachi parakatani gitade, re·anggipa April-ni 17 tariko ua uni ma·drangrangoni saksa mande siani gimin Rongjeng-ona re·angahachim indiba uni Rongjeng-oni Tura-ona re·bapilengmiting somoio mikka balwa ta·rakahani gimin ua maming a·sel ong·anirang dongjana gita garitangko ka·sine salbaengachim. Walni 9:45 bajimango uni Chasingre-ona sokon, rang·san janggilchini ML-08J 1974 Toyota Fortuner gari bolsa, siren on·prete, gipin garirangko aro Sangma-ni garikoba salbadeangaha.

“Garini siren on·ako knae aro Toyota Fortuner gariko niksoe anga, ian saoba namen dal·gipa mande ba manderangni seokgimin dilgipa ong·na nanga ine chanchiengachim indiba ia garini nokgipako sandie nion, ia gariara badiaba MLA, MDC, MP ba uandakgipa dal·gipa mandeni gari ong·ja aro ian Chief Minister Conrad Sangma-ni boninggipa Sanjay A Sangma-ni garisa ine anga ma·sina man·aha. Ia mandeara seokako man·gipa MLA, MDC ba MP-ba ong·jachim indiba ching gita ramram mandesan ong·aiachim,” ine Jaynie N Sangma parakataha.

Siren-ko garirango jakkalna gita a·songni president, vice president, prime minister, chief justice, Lok Sabha speaker aro uandakgipa VVIP-rangnasan niamo on·aiachim ine janapatengon, ia mande niamko pe·ahani gimin ua ia mandeni kosako FIR ka·enga ineba Sangma parakataha.

“Sipai dolrang aro nangchongmota kamko ka·enggipa official-rangna agrede 2017 bilsion Road Transport & Highways Ministry-ni gitaba private aro sorkari garirango ‘headlight’ tekaniko champengatmanaha aro Supreme Court-ni gitaba minister-rangni aro politician-rangni ‘headlight’ aro ‘siren’ jakkalaniko champengatmanahachim. Indide ia ramram mande ong·e maikai an·tangni gario ‘siren’ jakkalna man·aha?” ineba Sangma sing·doataha. 

spot_img
spot_img

Related articles

Russia says proof show link between Moscow attack terrorists, Ukraine

Shillong, March 29: Russian Investigative Committee has said that it has found evidence connecting terrorists from the Crocus...

Bird flu outbreak reported at Bulgarian farm

Shillong, March 29: The Bulgarian Food Safety Agency (BFSA) has reported an outbreak of the highly pathogenic bird...

Punjab Police bust criminal network led by US-based gang

Shillong, March 29: In a major breakthrough, the Punjab Police on Friday said they have dismantled the criminal...

Security beefed up ahead of INDIA bloc protest in Delhi

Shillong, March 29: Following a protest call by the INDIA bloc, security measures have been intensified on the...