Shillong IIM-ni chang 13-gipa Convocation-ko ong·ata

 

SHILLONG: Shillong songjinmao donggipa Indian Institute of Management (IIM)-ni chang 13-gipa Convocation-ko Budbar salo, Umsawli-o donggipa IIM-ni gita campus-o ong·atangaha.

Batanggimin bilsignina COVID-19-ni a·sel IIM Shillong-ni convocation-ko ong·atna man·jahaoba ia chango ia institute-ni Convocation-ko ong·atna man·aha.

Ia bilsio gimik sak 268 chatro chatrirang, IIM Shillong-oni graduate ong·angaha aro ia salo degree-rangko sak 252 PGP chatro chatrirangna aro sak 16 PGPEx chatro chatrirangna on·angenba sakgninade PhD degree-ko on·angaha.

IIM Shillong-ni Convocation-ko ong·atanio Narayan Health-ni Founder aro Chairman Dr Devi Prasad Shetty bakko ra·angenba, ia institute-oni graduate ong·anggipa chatro chatrirangna agan-ku·pattianirangko on·angaha.

Miksongani bilan pilak gipin kamrangna bate nangchongmotgipa ong·a ine Dr Shetty aganaha.