EGH-ni Rongjeng Block-o Health Mela-ko ong·ata

TURA: Health department-ni gita on·enggipa dingtang dingtang scheme aro sanna banani cholrangni bidingo songni nokni manderangna u·iatna gita block health mela-ko April 18 tarikoni 22 tarikona dingtang dingtang block-rango ong·atangahaon ia health mela-ko East Garo Hills a·jani Rongjeng block-ni ning·o donggipa Rongcheng Akong songoba ong·atangaha.
Ia health mela-ko ong·atanio East Garo Hills a·jani DM&HO Dr IA Sangma, District MCH Officer Dr LM Sangma aro gipin officer-rang, dingtang dingtang sabisi sakanchirangni bidingo songni manderangna mikrakatanirangko on·angan baksana ICDS-ni gitaba Nutrition ba namgipa cha·anirangko cha·na nangani gimin agan-talate on·angaha.
Iana agreba ia health camp-ko ong·atanio Aadhar aro MHIS-na biming segatani, Poshan Abhiyan, Yoga session, teleconsultaton, chadamberangna agan-ku·pattiani aro uandakgipa program-rangkoba ong·atangaha.