TURA: 41-Songsak Constituency-o All India Trinamool Congress (AITC)-ko bilakbatatna miksongenba, Sukrobar salo AITC 41 Songsak Zone-A (Rongrong) ine biming donenba bipekko songe donangaha aro ia bipekko dilna gita dingtangmancha manderangkoba seokangjolaha.
Ia gital bipekko dilna gita seokako man·gipa manderangara, president-na Salendra Sangma, vice president-na Norosin Shira, Jonen Sangma aro Probity Sangma, general secretary-na Jesh Sangma aro Bripstar Sangma, joint secretary-na Awin Marak aro saksni executive membor-rang ong·a.
AITC 41 Songsak Zone-A (Rongrong)-ko songani somoio Rongrong MDC Rinaldo K Sangma, Samanda MDC Lahitson Sangma baksana AITC-ni chadambe aro me·chik dolko dilgiparangba dongpae bak ra·angaha.
