SHILLONG: Meghalaya sorkarini a·bachengatgipa Mission Education program-ni ning·o dam 1391 sorkari Lower Primary (LP) skulrangko sorkari taridapaha aro da·o bangki dongkuenggipa dam 216 skulrangkoba taridapkuenga.
Sorkarini u·iatani gitade, a·dok gimikni dam 1607 LP skulrangko taridapna gita jako ra·aha aro da·o dipet 86 percent-na baten kamrang matchotmanaha. Ian Meghalaya a·doko skul nokrangko namdapatna gita sorkarini ja·ku de·ani bak ong·enga.
Mission Education program-ko a·dokni pilak a·jarangon jako ra·e ka·enga aro ia program-ni ning·o sorkari LP skulrang, UP skulrang, secondary aro higher secondary skulrangkoba man·chapenga. A·dokni Budget-o Education department-an bang·bate tangka paisa chamako man·gipa ong·e, sorkari skulrangko rikna aro taridapna gita sorkari, gong kror 1000-mangni gita tangka paisarangko koros ka·aha.
Ia program-ko gadang gadang dake ra·gatengon, Phase-I-ni ning·o dam 191 LP aro dam 7 UP skul nokrangko rikaha aro uni ja·man phase-II-ni ning·o dam 100 LP skulrangkoba jako ra·e rikaha. Phase-III-ni ning·o dam 117 LP skul nokrangkoba rikenga aro Phase IV-ni ning·o gitcham skul nokrangni pal gitalko rikna gita dam 180 LP aro secondary skul nokrangko rikna tender on·engaha.
Mission Education program-ni ning·o dam 2000-na baten LP arp UP skul nokrangko jako ra·aha ineba sorkari parakataha.
Skul nokrangko taridapanio, nokking, pakma, a·pa, do·ga, kelki aro gipin bakrangko jako ra·enga aro gital skul nokrangko rikanio, classroom-rangko on·dape, asongchakani aro sechakani, library aro toilet-rangkoba rike on·enga.
West Jaintia Hills a·jani Mowkaiaw Govt UP skul aro South West Garo Hills a·jani Nogorpara Govt UP skulrangko man·chape UP skulrangba bang·en ia program-ni namgniko man·aha ine sorkari parakataha.
Mission Education-ni ning·o dam 1390-na baten sorkari skulrangko taridapaha
Date:
Share post:
