SHILLONG: All India Trinamool Congress (AITC)-ni sakbri legislator-rang National People’s Party (NPP)-o napna am·tokenga ine NPP-ni a·kange agangipa kattako Chokpot-ni AITC MLA Lazarus Sangma jegalataha.
Ian NPP-ni a·kangdrake agananisan ong·aia ine aganengon, ‘‘NPP, AITC-ni legislator-rangkosan an·tangtangchi napchina kimalenga ong·ja, gipin party-ni legislator-rangkoba party-o napchina gita ropenga,’’ Sangma aganaha.
“Darang AITC legislator-rangba, da·oba aro mikkangchiba NPP-o napgipa dongjawa,” ua raken aganaha, “NPP-o dilgiparangni gisepo bilgriani gnang” ineba ua agandapaha
Sima arini bidingo Assam baksa MoU soi ka·grikgipani bidingo aganengon, Chief Minister Conrad K Sangma, an·tangni kamna matnanganirangko man·engon, an·tangan daito ra·ani pal, matanganirangko pangnan sakgipinkosa jaksi ote donaia ine AITC MLA matnange aganaha.
Pa Sangma indakeba aganaha je Da·oni NPP leadership ba dilgipa namen bilgria, aro bil gnange re·dilenggipa Mukul Sangmani a·tipko wate Meghalaya AITC-ni darang legislator-ba NPP-o napejwa.
Chief Minister, a·dokna namgniko ra·baani pal batesa neng·nikanirangkosa ra·babataha, mongsongbate Garo Hills-na, indake Education-an NPP-ni skanggipa dakgni kam ine ku·jokgenchimoba, A·doko education sector pilakni gitan ja·manchakatako man·enga, Chokpot legislator aganaha.
