SHILLONG: Manderang, chief minister-ni policy dakanirango aro kamrango ka·dongna man·tokjaengahani gimin chief minister Conrad Sangma re·baenggipa 2023 Assembly poll-o an·tangni constituency-on sirikainaba donga ine All India Trinamool Congress mija Robibaro aganaha.
NPP-ni dal·dala kattarangko a·kange agananirangko mikrakataniko on·e aganengon, ‘‘Chief Minister Conrad Sangma, an·tangni constituency-tangon chejanaba donggnok, maina South Tura-ni manderang uno ka·dongna man·tokjaha ine Chokpot-ni AITC legislator Lazarus Sangma aganaha.
AITC legislator-rang NPP-o napna am·tokenga aro Assam-Meghalaya a·dok damgnini gisepo sima ariko tik ka·grikna man·aniara ian Purno Agitok Sangmani nikjumangako chu·sokatani ong·a ine NPP-ni a·kange agananirang pilakan ‘mediao niksengatanisan’, Lazarus aganaha. Indake bebegita “NPP, uamangni ku·rachakgiminko batanggimin bilsi brini gisepo chu·sokataha ong·ode, manderangko tol·na gita mediao gipatna nangjawachim,” AITC legislator aganaha.
