TURA: “Azadi Ka Amrit Mahotsav Campaign”-ko maniani bak gita, Garo Hills a·jani gimik district-rangna ‘Jan Bhagidari Programme on Impact of Pradhan Mantri Garib Kalyan Anna Yojana (PMGKAY)’-ko Tura Dakopgre SMELC, Conference Hall-o ong·ataha. Jeon Food, Civil Supplies & Consumer Affairs Department-ni Minister incharge pa James P K Sangma, chief guest ong·e bak ra·aha. Programme-ko Food Civil Supplies and Consumer Affairs Department Shillong aro Tura ong·ataha.
Covid sajinmani somoio kangal cholgri nokdangrangona indin damgri mirongko sokatani gimin Fair Price Shop Dealer-rangko man·gope department-ni gimik official-rangni dangdike on·aniko, Minister James Sangma de·mittelataha.
Ia National Food Security Scheme, bang·a nokdangrangona sokaha aro bang·arangna namgniko man·tokaha. Ia scheme-ko Prime Minister Narendra Modi, parakataha, indiba ia scheme-ko chu·sokgipa ong·atna chongipa gadangoni chugipa gadangona kam ka·giparangni jotton ka·beaha. Uni giminsa beneficiary-rang namgniko man·tokaha.
Minggipin ia scheme-ko September 2022-ona bariatdapaha. Aro India sorkari ePOS system-koba ra·gataha, ian Public Distribution system aro Fair Price Shop Dealer-rangni kam ka·aniko parak ong·ata, ineba Minister u·iataha.
Tom·anio Meghalaya Shillong Food, Civil Supplies & Consumer Affairs-ni Secretary Pravin Bakshi aro West Garo Hills-ni Deputy Commissioner Ram Singh – uamangba PMGKAY-ni gimin talate on·angaha.
Indake ong·engon Chief Guest, PDS Agents aro Fair Price Shop Dealer-rangko mande ra·nag ita Appreciation Certificate-ko suale on·angaha.
Get real time updates directly on your device, subscribe now.
Comments are closed.