TURA: Phulbari-ni MLA Shri SG Esmatur Momin, May 7 tarik 2022 Sonibar salo Phulbari Sub Division office-o FEDCO-ni skanggipa ‘Consumer Facilitation Centre’-ko oprakate on·aha. Uandake mikkangchi FEDCO-ko operate ka·gipa gipin Sub-Division and Section office-rangoba centre-ko kulianggen. Ia centre-ko kuliatani mongsonggipa miksongara consumer-rangna namgipa service-ko on·na ong·a. Consumer-rang dingtagn dingtang neng·nikarang jekai gital service connection-ko ra·na, meter-ni gimin maiba neng·nika dongode, bill revision ba uandakgiparangni bidingo badi ka·na gita man·gen.
Uandake jinma manderangna aganprakatengon, jolni MLA, FEDCO-ni ja·ku de·aniko de·mittelaha aro Phulbari Sub-Division-o dongenggipa manderangko somoi gitan electricity bill ba bijolini bill-ko gamchina mol·molangaha.