AITC-ni MLA sakgni UDP-o napna miksongenga ingipani bidingo kobor dongja: Pyngrope

SHILLONG: All India Trinamool Congress (AITC)-ni MLA sakgni, chong·motan Himalaya Shangpliang aro Shitlang Pale, United Democratic Party (UDP)-o napskana miksongenga ine jangbingbangenggipa kattani bidingo da·o dipet maming kobor dongkuja ine Sombar salo, AITC-ni state president Charles Pyngrope parakataha.

“Da·o dipetde MLA sakgnian angna AITC-ko watna miksongenggipani bidingo see u·iata dongkuja aro iako anga songbadrangonikosan niksona man·aiengkua,” ine Pyngrope aganaha.

Mawsynram-ni MLA HM Shangpliang aro Sutnga-Saipung constituency-ni MLA Shitlang Pale sakgnian, re·baenggipa 2023 bilsini Assembly election-o susana gita UDP-o napskana miksongenga ine koborrangko man·soahachim.

Iani bidingo UDP-ni general secretary Jemino Mawthoh-ba mamingkon aganna jechakahachim indiba dingtang dingtang dolni dilgiparang UDP-o napna skaniko janapaha inesa parakataiahachim.

“Dingtang dingtang dolni dilgiparang UDP-o napna skaniko parakaha indiba chingo dingtang dingtang niamrang donga aro iako chingni chubatgipa gadangosa chanchie ja·kuko de·angaigen,” ine Mawthoh aganahachim.

Indake ong·engon, re·baenggipa 2023 bilsini Assembly election-na AITC dolni gita kamrangko ka·samsona a·bachengataha ine AITC-ni state president Charles Pyngrope parakataha.

“Chinga dam 60 seat-rangon susana miksongenga indiba ia pilakan candidate namako man·aosa pangchakaigen,” ine Pyngrope aganaha.

Re·baenggipa June 16 tariko AITC-ni second-in-command Abhishek Banerjee, Shillong-ona re·bae, AITC-ni office-ko Lower Lachumiere-o kulie on·anggen ineba Pyngrope parakataha

Get real time updates directly on your device, subscribe now.

Comments are closed.