TURA: Tura-ni Sepoy Colony gittimo niam gri biscuit karkanako chalaiengani a·sel gittimo songdongenggipa manderang neng·nikanirangko chagrongna nangtokengani gimin ia karkanako chipatchina ba dingtang biapona apjitangskachina gita Sepoy Colony Development Committee, West Garo Hills a·jani Deputy Commissioner, Tura Municipal Board (TMB) aro Meghalaya State Pollution Control Board (MSPCB)-naba sedoataha.
Koborko on·ani gitade, Sepoy Colony Development Committee-ni badi ka·aniko man·ahani gimin TMB-ni official-rang, ia biapo chalaienggipa biscuit karkanako nieon, ia karkana ru·uta bilsirangonin licence ba nangchongmotgipa lekkarang grisa karkanako chalaienga ine ma·sina man·aha.
“Chingni ia Sepoy Colony gittimo Dolphin biscuit factory-ko niam gri chalaiengani a·sel gittimni manderang pringonin chaktopilgijagipa wal·kurangko aro bibarangko chake dongna nangtokenga aro ian chingni be·en bimangna namgijaniko ra·baani gita ong·enga. Iani giminsa chinga ia karkanako chipatchina ba dingtang biapona apjitangchina West Garo Hills-ni DC, TMB aro MSPCB-na sedoataha. TMB-ni official-rangba ia karkanako re·bae nion maming licence grisa chalaienga ine ma·sina man·aha. Uni gimin chinga ia karkanako ta·raken chipatchina, ong·jaode dingtang biapona apjitatchina dabienga,” ine Sepoy Colony Development Committee-ni president Mitison Sangma parakataha.
Sepoy Colony-o chalaienggipa biscuit karkanako apjitangchina dabia
Date:
Share post:
