SHILLONG: Mawdiangdiang-o gital Assembly building project-o kam ka·ani tik ong·gijani mamlako talate on·china, Assembly-ni Speaker Metbah Lyngdoh-ko Congress, dabiaha.
“Ian ramram katta ong·ja, Metbah Lyngdoh, UDP-ko dilgipa ong·an baksa Assembly-ko dilenggipa ong·a, uni gimin ia project-ni gimin talate on·na nanga ine Lok Sabha MP aro Meghalaya Pradesh Congress Committee (MPCC) chief Vincent H Pala, aganataha.
Sinjetaniko on·enggipa dol HYC-ba ia mamlako CBI-ni jakchi am·sandianiko dakchina dabiaha.
Assembly-ni Speaker Metbah Lyngdoh-na seatgipa chittio HYC, indine janapataha, “Hight Powered Committee (HPC), ia mamlako jakgittele sandianiko dakchina ge·etna nanga.”
“Chinga a·bachengaonin ia mamlako jakgittele sandianiko dakchina dabienga, Speaker, ia project-ni gimin chu·gimikkon talate on·na nangao ga·aka.”
Office of the chief engineer PWD (B)-oniko kobor man·soani gitade, ia project-o tangka cha·bokanirang donga.
Congress, Metbah Lyngdoh-ko Assembly project-ni gimin talate on·china dabia
Date:
Share post:
