Resubelpara: North Garo Hills district-o, department of Sericulture Officer, Resubelpara, Jonglapara-o, Meghalaya State skills Development Society-ni gita, kilding rikani, muga jo·ongoniko kilding tariani aro sam bolrangoniko rong bikote kildingrangko simani, skill development programme-ko, mikkangchi kildingrangko tarie cha·na miksonggipa manderangna ong·atangaha.
Indake, ia programme-ko, Skobar saloni a·bachengataha aro July 31 tarikonan ong·atanggen.
Programme-o bakko ra·na district-ni ning·ao donggipa dingtang dingtang songrangni sak 30 me·chikrang bimingrangko segataha. Uamangna, kilding rikani, sam bolrangoniko rong tarie kildingrangko rong simani, jong bitiponiko kilding tariani aro sam bolrangko jakkale, resom kildingrangko siatani gimin, skie on·anggen.
Programme-ona chief guest ong·e re·bagipa, Additional Deputy Commisioner, ZJ Sangma, program-ko oprakani salo indake aganangaha, sericulture-ni kamrang gisik nanggipa game cha·gipa manderang, ia programme-oniko bang·akon skie ra·na man·gnok. Sericulture ian samtangtango donggipa gamrangko nosto ka·gija dakna man·gipa kam ba chol ong·a, jechin iako dake cha·gipa manderang an·tangtangnasan namgniko ra·bajawa, indiba joltango donggipa manderangna kamrangko bikote on·a gitaba man·gen.
Programme-o bak ra·gipa ge·e game cha·gipa manderangko an·tangtangni kamrangko gisik nange ka·a baksana, programme-o on·enggipa skianirangko an·tangtangni namgnina chimonge ra·china, Sangma aganangaha.
Programme-ni miksongni gimin, District Sericulture Officer, SG Momin indake aganangaha, resom kilding aro dingtang dingtang kildingrangko tarie cha·enggipa manderangna nambate kamrangko ka·na, palani biaprango mesoke on·a aro tarigimin kildingrangko gipin biaprangona wataniko skie on·a gita ia programme-ko ong·atenga.
Indake, skie ra·gipa sakantikon miksongni gnang baksa, mikkangchi nambate kildingrangko tarichinaba, ua didie aganangaha.
NGH-o, sericulture-ni gimin, Skill development programme-ko ong·ata
Date:
Share post:
