SHILLONG: Bank-rango kamko ka·enggiparangara manderangna dangdike on·giparangan ong·a ine Robibar salo, a·dokni Chief Minister Conrad K Sangma parakatenba, manderangna dangdike on·engon, ka·saani aro mande ra·ani gnang dangdike on·china gita, State Bank of India (SBI)-ni officer-rangko didiangaha.
Robibar salo, SBI North Eastern Circle-ni ning·o donggipa Officers Association-ni chang 31-gipa bilsini tom·bimonganiko U Soso Tham Auditorium-o ong·atanio ia kattarangko a·dokni Chief Minister aganaha.
SBI-ni regional office-ko Kolkata-oniko Guwahati-ona ra·baanio uni pagipa PA Sangma sagini kamrangni gimin janapatengon, sorkarini dingtang dingtang kamrangko chu·sokatanio bank-rangan, onbatgipa gadangrango mongsonggipa kamrangko ka·giparang gita ong·enga ine Conrad Sangma parakataha.
“A·dok aro ma·mong sorkarini dingtang dingtang program-rangko ra·na gita manderang bank account-rang dongna nangchongmotani gimin ia program-rangko chu·sokatna gita bank-rangan onbatgipa gadangrango mongsonggipa kamrangko ka·giparang ong·skaenga. Sorkarini dingtang dingtang program-rangko ra·gatanio songadam nokadamrango bank-rang dongjae chinga sorkarini kamrangko chu·sokatanio neng·nikanirangko man·na nangenga,” ine Chief Minister aganaha.
Bank-rango kam ka·giparangara manderangna dangdike on·giparangan ong·a ine janapatengon, an·angtangni daitoko gualgija pangnan ka·saani aro mande ra·ani baksa manderangna dangdike on·china ua SBI-ni official-rangko didiangaha.
“State Bank of India-ara mikkim gnanggipa biming baksa manderangni ka·donganiko man·gimin bank ong·a indiba iandakgipa tom·bimonganirangko ong·atanion an·tangtangko namdapatani bidingo chanchirimna gitaba nanga,” ine Sangma aganenba, SBI-ni pilak kamrangon a·dok sorkari ama gita dakchakanirangko on·anggen ine ku·rachakaniko on·angaha.
Manderangna nambate dangdike on·china SBI-o kam ka·giparangko CM didianga
Date:
Share post:
