Friday, August 1, 2025
spot_img

Sorkari baksa agangrikanio HNLC-ni dilgiparangna naljokgipa ramako on·na tik ka·a

Date:

Share post:

spot_imgspot_img

SHILLONG: Tom·tomaniona re·bapilna gita sorkari baksa agangrikanio Hynniewtrep National Liberation Council (HNLC) bobil dolni dilgiparang, naljoke re·rurana man·na gita HNLC, ma·mong sorkari aro a·dok sorkari, songgigrikaniko dakangaha ine kobor on·aha.

Iani bidingo talataniko on·angengon, batanggimin jagittamni gisepo HNLC-ni executive committee, changgittamna kingking a·dok sorkari ku·baltitimgipa PS Dkhar baksa agangrikna man·aha ine HNLC bobil dolni pal agangrikna songako man·gipa Sadon Blah, Mongolbar salo parakataha.

“Chinga changgittamna kingking sorkarini ku·baltitimgipa baksa agangrikna man·aha aro iani gisepon, HNLC bobil dolni dilgiparang, naljokani gnang re·rurae sorkari baksa agangrikna man·na gita Meghalaya a·dok ning·o naljokgipa ramako on·na tik ka·angaha,” ine Blah parakataha.

HNLC-ni ku·baltitimgipa Sadon Blah-ni parakatani gitade, da·o HNLC-ni dilgiparangna naljokgipa ramako on·na tik ka·ahani gimin da·o adita antirangni gisepon HNLC bobil dolni dilgiparang, sorkari baksa agangrikaniko a·bachenggnok ine ka·dongsona man·enga.

HNLC-ni dilgiparang, a·dok sorkari ba ma·mong sorkari baksa agangrikna man·na gitasa ia naljokgipa ramako on·na tik ka·aha ine talataniko on·angengon, HNLC-ni dilgiparangna naljokgipa ramako on·aniara, ia tom·tomaniko ra·bana kam ka·aniko ta·rakbatatani gita ong·gen ine Blah parakataha.

HNLC aro sorkarini gisepo ‘ceasefire’-na songgigrikani giminde ua mamingkoba aganna jechakskaaha.

HNLC-ni dilgiparang, a·dok aro ma·mong sorkariko gronge, an·tangtangni chanchianirangko aganani ja·mansa ceasefire-na songgigrikanide ong·ainaba gnang ineba ua aganaha.

HNLC) bobil dolni sorkari baksa agangrikaniko a·bachengatna man·na gita sorkarini songe on·gipa ku·baltitimgiparang baksa agangrikna Hynniewtrep National Youth Front (HNYF)-ni president Sadon Blah-ko HNLC-ni dilgiparang seokahachim.

HNLC bobil dol baksa agangrikaniko a·bachengatna gita a·dok sorkari, gitcham IAS officer Peter S Dkhar-ko aro ma·mong sorkarini gitaba MDA-ni Advisor AK Mishra-ko ku·baltitimgipani kamna seokskaahachim ine nikna man·a.

spot_imgspot_img

Related articles

Trump labels India, Russia as ‘dead economies’

WASHINGTON, July 31: US President Donald Trump once again mounted a sharp attack on India and Russia for...

35 hurt as BNP-NCP supporters clash in B’desh

DHAKA, July 31: At least 35 people, including five journalists, were injured in a violent clash between the...

Thailand, Cambodia govts plan border visits as tensions ease

Bangkok, July 31: Thailand and Cambodia have planned border visits for foreign diplomats to observe damages from the...

Trump envoy visits Israel amid rising Gaza death toll

Deir al-Balah, July 31: President Donald Trump’s special envoy, Steve Witkoff, has arrived in Israel amid growing international...