SHILLONG: United Democratic Party (UDP)-de MDA Sorkario National People’s Party baksa ja·chape kam ka·aigipasa ine agantokengon, re·baenggipa 2023 poll-ode uamangni party team A’ ong·gen ine UDP dilgiparang ka·dongsotokenga.
UDP general secretary, Jemino Mawthoh mija Sukrobaro agana je, da·o bilsisa ong·srapgijan uni party, sorkariko rikgnok ine ka·dongen aganaha. Indake re·baenggipa 2023 poll-ode uni party-ko darang political dolniba ‘team B’ ine aganna man·jawajok ineba ua aganaha.
Dingtang dingtang political party-rangni da·o MLA aro MDC ong·enggiparangoni bang·an, ru·utgija somoini gisepon UDP-o napna am·tokenga, unigisepon Voice of People’s Party aro Trinamool Congress dakgipa gitalgipa political party-rangko bikotani aro sokbaanian, uamangni party-ni chu·sokgniko mesoksoa gita ong·engaha, Mawthoh aganaha.
Meghalaya a·dokni bilsi 5o gapani gimin aganengon, adita sectors ba a·barangode namen tang·doaha, jeon mitam mongsonggipa kamrangode dingtang dingtang a·selrangni gimin ja·man chakenga ine Mawthoh aganaha.
“Mongsongbatgipade a·dokni tangka paisani obostarangan ong·batenga. Meghalayade kamai ka·gipa ong·ja aro nama bewalo tangka-paisa jakkalani dongjaenga, unigimin iarangko da·on namdapatna nangao ga·akenga,” UDP dilgipa aganaha.
Indake ong·engon, re·baenggipa Assembly poll-na party manifesto-ko tarina gita UDP, skangon dolsa committee-koba songmanahachim.
