SHILLONG: Meghalaya a·doko Mongolbar salo gipin salrangna bate ia bilsio skanggipa changna bang·bate sak 106 manderang covid man·dapaha aro sakbri manderang covid-ni a·sel siangaha. Unomitingo a·dokni dingtang dingtang district-rango sak 64 manderang covid sabisioni an·sengpiltokaha.
Mijalni bako East Jaintia Hills-o sak 3, East Khasi Hills-o sak 20, Eastern West Khasi Hills-o sak 2, Ri-Bhoi-o sak 8, South Garo Hills-o sak 6, South West Garo Hills-o sak 10, West Garo Hills-o sak 50, West Jaintia Hills-o sak 4 aro West Khasi Hills-o sak 3 gimik sak 106 manderang covid man·dapaha.
Unomitingo apsan salon East Khasi Hills-o sak 23, North Garo Hills-o sak 2, Ri-Bhoi-o sak 15, South Garo Hills-o sak 1, South West Garo Hills-o sak 6 aro West Garo Hills-o sak 17, gimik sak 64 manderang covid-oni an·sengpiltokaha. Unigisepon, East Jaintia Hills-o saksa, Ri-Bhoio sakgni aro West Garo Hills-o saksa gimik sakgittam manderang covid-ni a·sel mijalo uamangni janggirangko gimaataha.
Meghalayao covid sabisiko man·giparang mijalona gimikchide sak 94,987 gapengaha, jeon uamangoni sak 92,791-de sabisioni an·sengpiltokaha, sak 1,605 manderang sabisio siangaha, covid man·e donggiparang da·o sak 591 ong·engaha.
Sak 591 covid man·e donggiparangoni East Garo Hills-o sak 7, East Jaintia Hills-o sak 7, East Khasi Hills-o sak 125, Eastern West Khasi Hills-o sak 5, North Garo Hills-o sak 4, Ri-Bhoi-o sak 39, South Garo Hills-o sak 19, South West Garo Hills-o sak 31, West Garo Hills-o sak 331, West Jaintia Hills-o sak 17 aro West Khasi Hills-o sak 6 ong·engjok.
