SHILLONG: Mawsynram-ni MLA aro Trinamool Congress (TMC)-ni dilgipa Himalaya Shangpliang, Bharatiya Janata Party (BJP)-o napskana sienga ine koborko on·ani ja·man Mawsynram constituency-oni adita sak manderangba Mongolbar salo BJP-o napangaha aro uamangko BJP-ni MLA AL Hek aro gipin dilgiparang, dingtangmancha Shillong-o tom·aniko ong·atangenba rimchaksotokaha.
Mawsynram-ni TMC MLA Himalaya Shangpliang, BJP-o napna sienga ine adita salrangna skangsan BJP-ni MLA AL Hek parakatahachim ine nikna man·a.
Indake ong·engon, Mongolbar salo, Mawsynram constituency-ni manderangko BJP-ona rimchaksoanio BJP-ni state vice president Dipayan Bhattarcharjee jinmana aganprakangengon, ia manderangni BJP-o napanichi a·doko BJP dol bilakbatatako man·gnok ine parakangaha.
Koborko on·ani gitade, Mongolbar salo BJP-o napanggipa Mawsynram constituency-ni manderangara, Congress, UDP, NPP aro TMC-ni manderang ong·achim.
Re·baenggipa salrango a·dokni dingtang dingtang constituency-rangoba dingtang dingtang dolni MLA-rang, gitcham MLA-rang aro party-tangtangna kam ka·gipa manderang BJP-o napna sienga ineba BJP-ni dilgiparang parakataha.